Kurba e divorceve po ashtu ka ndryshuar shumë përgjatë këtyre tre dekadave të fundit. Nëse në vitin 1990 Shqipëria regjistroi 13.6 divorce për 100 martesa, kulmi u arrit në vitin 2019, kur vendi ynë raportoi thuajse dyfishim të zgjidhjeve të martesave, ose 26 divorce për 100 martesa. Pas këtij viti divorcet kanë ardhur në rënie duke zbritur në 15.8divorce në vitin 2021.
Mentaliteti dhe varësia ekonomike janë dy arsyet kryesore që i shtyjnë gratë ta pranojnë dhunën. Por, të dhënat e Ministrisë së Drejtësisë, dëshmojnë se vitet e fundit janë gratë ato që më së shumti kërkojnë divorcin.
‘Jo të gjitha gratë pranojnë të bashkëpunojnë. Kanë kërcënime, nuk kanë mbështetjen e familjes, kanë stigmë, por ne kemi raste që na drejtohen tek klinika ligjore për urdhër mbrojtje’ u shpreh Brikena Puka, qendra ‘Vatra’
Përgjatë vitit 2019, kërkuan zyrtarisht divorcin në gjykatë 4 326 gra, krahasuar me 3 464 burra.
Kalivari i vuajtjeve të grave nuk merr fund me denoncimin e dhunës. Për shkak të institucioneve të dobëta dhe moszbatimit të parashikimeve ligjore, riintegrimi rezulton një spirale po aq e vështirë. Si pasojë një pjesë e viktimave të dhunës, dorëzohen.
‘Nuk është e lehtë, është një tmerr i vërtetë. Dhe pastaj kur vjen tek divorci ajo e mendon 100 herë. Kemi shumë gra që i rikthehen dhunës, i rikthehen situatës, thonë për çfarë na vlen. Jemi shumë të vonuar, në kontekstin e politikave sociale. Bota e ka zgjidhur në momentin që vërtetohet dhuna ajo ndihmohet nga shteti nuk është nevojë të bëjë asnjë kalavar të tillë’ u shpreh Sevim Arbana, qendra ‘Në dobi të gruas’Anila Hoxha, gazetare që ndjek prej vitesh çështjet e grave, viktima të dhunës dhe rrugëtimin e tyre pas denoncimit të saj, thotë se nuk duhet të fokusohemi vetëm tek sensibilizimi, pasi ai tashmë është arritur.
‘Duhet të angazhohen dhe të jenë më serioze institucionet: pushteti vendor, policia prokuroria. Përse i përmend këto tre institucione.
Çfarë kam konstatuar në gjykata gratë e dhunuara kur dalin para gjykatës si denoncuese tërhiqen nga padia e dhunës që dërgon automatikisht në dënimin e dhunuesit që mund të jetë bashkëshorti, një
partner i dhunshëm , vëllai. Megjithatë gratë tërhiqen nga denoncimi ligji ka përcaktuar se dhunuesi nuk shpëton nga dënimi, por ka diçka tjetër’ u shpreh gazetarja, Anila Hoxha./Top Channel
